Багдаддагы эл аралык жардам боюнча координатор Иракта чет элдик кызматкерлерди уурдоо күч алгандыктан, көпчүлүк бейөкмөт уюмдар өлкөдөн кетүүгө аргасыз болорун эскертти. Жан Доминик Бюне чет элдик коомдук уюмдардын көбү менен сүйлөшүүлөр өткөргөнүн жана алар Ирактан коопсуздук маселесинен улам кетип жатканын айтышканын маалымдады. Шейшембиде Багдаддагы эл аралык гуманитардык уюмдун офисинен эки италиялык аял-кызматкерди куралчан адамдар уурдап кетишкен.
