Иракка кошумча аскер күчтөрү керек эмес

Вашингтондогу пресс-конференцияда убактылуу ирак өкмөтүнүн премьери Ияд Аллави мунун ордуна ирактыктар өз күчтөрүн маш кылганга муктаж экенин, ушундай шартта гана өлкөдө коопсуздукту камсыз кылууга болорун белгиледи. Аллави ошондой эле алдыдагы январда жалпы элдик шайлоо өтөрүнө ишеничи күч экенин ырастады. Кечээ ал америкалык конгресстин кошмо жыйынында сөз сүйлөдү.