Линктер

бейшемби, 21-сентябрь, 2017 Бишкек убактысы 15:03

Аба ырайы боюнча шашылыш билдирүү


Синоптиктердин кабарлоосу боюнча октябрдын он алтысынан он сегизине чейин өлкөнүн дыйканчылык аймактарында абанын температурасы -1 градустан -4 градуска суук болуп, үшүк жүрүшү күтүлөт. Үшүктүн жүрүшү айыл чарбасындагы түшүмгө терс таасирин тийгизиши мүмкүн.

17-октябрда Кыргызстанда ала булут каптап турат, жаан-чачындын болушу күтүлбөйт.

Абанын температурасы:

ЧҮЙ өрөөнүндө түнкүсүн –1..-4 градус суук, күндүз +4…+9 градус жылуу.
ТАЛАС дубанында түнкүсүн –2…-4 градус суук болуп, үшүк жүрөт, күндүз +2…+7 градус жылуу болот.
БАТКЕН, ОШ, ЖАЛАЛАБАД аймактарында түнкүсүн 0…+5 градус, айрым жерлерде абанын температурасы 0…-2 градуска төмөндөп, үшүк жүрөт, күндүз +7…+12 градуска жылыйт.
ЫСЫККӨЛ ойдуңунда түнкүсүн –1…-3 градус суук, күндүз +3…+7 градус жылуу.
Тоолуу НАРЫН облусунда түнкүсүн –2…-5 градус суук, күндүз +1…+6 градуска жылыйт.
БИШКЕК шаарында ала булут каптап турат, жамгыр жаабайт, түнкүсүн жана эртең менен туман капташы мүмкүн. Абанын температурасы түнкүсүн –1…-3 градус суук, күндүз +7…+9 градус жылуу.


Жаңылыктар топтомун Азиза Турдуева, Бакыт Аманбаев жана облустардагы кабарчылар даярдашты

Аба ырайы тууралуу маалымат менен Мира Аманбаева тааныштырды.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG