Сауд Арабиядагы кечээ күнкү окуялардан кийин Америка Кошмо Штаттары өзүнүн бул өлкөдөгү дипломатиялык кеңселерин убактылуу жапты. Жидда шаарындагы АКШ консулдугуна 6-декабрда чабуул жасалып, тогуз адам курман болгон, алардын төртөө - чабуул баштаган лашкерлер өздөрү. Интернет аркылуу жарыяланган билдирүү менен "ал-Каиданын" Сауд Арабиядагы бөлүмү чабуул үчүн жоопкерчиликти өзүнө алды.
