Лукашенконун ырастоосунда, Беларуста эч кандай роза, апелсин же банан төңкөрүшү болушу мүмкүн эмес

Беларустун президенти Украина менен Грузиядагы элдик козголоңдор анын өлкөсүндө массалык толкундоого шыкакчы боло албайт деп ырастады.

Александр Лукашенко - Украинадагы соңку саргылт төңкөрүштөн айрыкча тынчы кеткен КМШ жетекчилеринин бири. Украинадагы жана Грузиядагы массалык козголоңдор шайлоонун жыйынтыгын бурмалоодон улам башталып, жыйынтыгында мамлекет башына оппозициядагы батышчыл талапкерлер келди.