Найробиде Судан боюнча тынчтык келишимине кол коюлду

Судан өкмөтү менен түштүк козголоңчуларынын ортосунда жаңы жетишилген келишим Африка континентиндеги эң узак жаңжалга чекит коеру күтүлүүдө.

21 жылдан берки согушту токтотуу келишимине Судандын вице-президенти Али Осман Таха жана козголоңчулардын жол башчысы Жонн Гараң кол коюшту. Кол кою аземине катышкандардын арасында АКШнын мамлекеттик катчысы Колин Пауэл да болуп, тараптарды Дарфур кризисин дароо чечүүгө чакырды.