Аскар Акаевдин айтымында, бул жолу мурдагы шайлоолорго караганда шайлоочулардын маанайы жакшы, ал эми мамлекет бул шайлоого абдан жакшы даярдык менен кирди.
Президент Кыргызстандын Конституциясына өзгөртүү киргизүү жөнүндө АКШ Конгрессинин бир комиссиясынын сунушунун долбооруна баа берүүнү өтүнгөн журналисттерге жооп берди. Аскар Акаев АКШ конгрессмендеринин адам укуктарын коргоо жана бийлик бутактарынын ортосундагы тең салмактуулукту сактоо жөнүндө берген сунуштарынын максатын толук түшүнбөй тургандыгын белгиледи.
Бийлик бутактарынын ортосундагы тең салмактуулукту камсыз кылуу үчүн президенттин көп укук-милдеттери оппозиция каалагандай деңгээлде парламентке берилип, президенттик-парламенттик республика түзүлгөндүгүн баса белгиледи.
Мамлекет башчысы Конституцияга өзгөртүү киргизүү жөнүндө демилгени оппозиция президент Акаевди бийликтен кетирүү үчүн көтөрүп жаткандыгын жана аны АКШ Конгрессинин колу менен жасоону самап жаткандыгын билдирди. Президенттин пикиринде, оппозиция менен эл аралык уюмдар АКШ Конгрессине туура эмес маалымат берип, тескери жолго салып жатат деп кошумчалады:
- Конституциялык реформанын натыйжасында биз тең салмактуу президенттик-парламенттик республика болгонбуз. Эми парламенттик республикага кадам таштоо тең салмактуулукту бузууга алып барат. Мына ушундай жолду Украинанын президенти Леонид Кучма ишке ашырууга аракет кылган. Ошондуктан, бул сунуштар мага түшүнүксүз жана мен аларды азырынча ала элекмин. Аны качан алгандан кийин талкуулап көрөбүз.
Аскар Акаев өз кызмат мөөнөтү тууралуу байма-бай айтылып жаткан кеп- сөздөрдү оппозиция жана айрым массалык маалымат каражаттары ойлоп чыгарган жалган ушак деп билдирди:
- Мен дагы бир жолу так жана ачык айткым келип турат. Мен жеке өзүм Конституцияга бир дагы өзгөртүү киргизүү ниетим болгон эмес жана болбойт. Мен муну буга чейин да бир нече жолу айткам. Бул оппозиция мага жөн жерден жабыштырып жаткан жалган сөз.
Өткөн жылдын май айында Ош шаарында түзүлгөн «Элим менен, элим үчүн» аттуу фонд президенттин кызмат мөөнөтүн 2010-жылга чейин узартуу демилгесин көтөрүп, ушул айда 155 миң адамдын колун топтогондугун жана ушул ай аягына чейин 300 миң адамдын колун топтоп, май айында референдум өткөрүү талабы менен парламентке кайрылаарын жарыя кылган. Фонддун төрагасы Аманбай Сатибаев декабрда чогулган 30 миңин мамлекеттик катчы Осмонакун Ибраимовго тапшырган.
Оппозиция өкүлдөрү болсо президенттин мындай билдирүүсүн четке кагышат. Алар Аскар Акаевди дагы бир мөөнөткө калтыруу боюнча демилгелер оппозицияга эмес, бийлик өзү түзгөн жана канаты менен калкалап келаткан ар кандай коомдук уюмдарга таандык дешет.
«Кыргызстан элдик кыймылынын» төрагасынын орун басары Ишенгүл Болжурова мамлекет башчысынын бул сөздөрүндө көп сыр жатат деген ойдо:
- Качан болсо президент ошентип айтат, бул сөзүндө көп сырлар жатат. Президенттин жанындагы “үчүнчү күчтөр” парламентке бүт өз кишилерин топтоп туруп, парламенттик республика кылгандан кийин спикерликке өз кишисин коюп алса, ошону менен ал турмуш жүзүндө бийлигин сактап кала алат. Ошентип Кыргызстанда династиялык бийлик орнотууга багытталган иштер жүрүп жатат.
Президент Кыргызстандын Конституциясына өзгөртүү киргизүү жөнүндө АКШ Конгрессинин бир комиссиясынын сунушунун долбооруна баа берүүнү өтүнгөн журналисттерге жооп берди. Аскар Акаев АКШ конгрессмендеринин адам укуктарын коргоо жана бийлик бутактарынын ортосундагы тең салмактуулукту сактоо жөнүндө берген сунуштарынын максатын толук түшүнбөй тургандыгын белгиледи.
Бийлик бутактарынын ортосундагы тең салмактуулукту камсыз кылуу үчүн президенттин көп укук-милдеттери оппозиция каалагандай деңгээлде парламентке берилип, президенттик-парламенттик республика түзүлгөндүгүн баса белгиледи.
Мамлекет башчысы Конституцияга өзгөртүү киргизүү жөнүндө демилгени оппозиция президент Акаевди бийликтен кетирүү үчүн көтөрүп жаткандыгын жана аны АКШ Конгрессинин колу менен жасоону самап жаткандыгын билдирди. Президенттин пикиринде, оппозиция менен эл аралык уюмдар АКШ Конгрессине туура эмес маалымат берип, тескери жолго салып жатат деп кошумчалады:
- Конституциялык реформанын натыйжасында биз тең салмактуу президенттик-парламенттик республика болгонбуз. Эми парламенттик республикага кадам таштоо тең салмактуулукту бузууга алып барат. Мына ушундай жолду Украинанын президенти Леонид Кучма ишке ашырууга аракет кылган. Ошондуктан, бул сунуштар мага түшүнүксүз жана мен аларды азырынча ала элекмин. Аны качан алгандан кийин талкуулап көрөбүз.
Аскар Акаев өз кызмат мөөнөтү тууралуу байма-бай айтылып жаткан кеп- сөздөрдү оппозиция жана айрым массалык маалымат каражаттары ойлоп чыгарган жалган ушак деп билдирди:
- Мен дагы бир жолу так жана ачык айткым келип турат. Мен жеке өзүм Конституцияга бир дагы өзгөртүү киргизүү ниетим болгон эмес жана болбойт. Мен муну буга чейин да бир нече жолу айткам. Бул оппозиция мага жөн жерден жабыштырып жаткан жалган сөз.
Өткөн жылдын май айында Ош шаарында түзүлгөн «Элим менен, элим үчүн» аттуу фонд президенттин кызмат мөөнөтүн 2010-жылга чейин узартуу демилгесин көтөрүп, ушул айда 155 миң адамдын колун топтогондугун жана ушул ай аягына чейин 300 миң адамдын колун топтоп, май айында референдум өткөрүү талабы менен парламентке кайрылаарын жарыя кылган. Фонддун төрагасы Аманбай Сатибаев декабрда чогулган 30 миңин мамлекеттик катчы Осмонакун Ибраимовго тапшырган.
Оппозиция өкүлдөрү болсо президенттин мындай билдирүүсүн четке кагышат. Алар Аскар Акаевди дагы бир мөөнөткө калтыруу боюнча демилгелер оппозицияга эмес, бийлик өзү түзгөн жана канаты менен калкалап келаткан ар кандай коомдук уюмдарга таандык дешет.
«Кыргызстан элдик кыймылынын» төрагасынын орун басары Ишенгүл Болжурова мамлекет башчысынын бул сөздөрүндө көп сыр жатат деген ойдо:
- Качан болсо президент ошентип айтат, бул сөзүндө көп сырлар жатат. Президенттин жанындагы “үчүнчү күчтөр” парламентке бүт өз кишилерин топтоп туруп, парламенттик республика кылгандан кийин спикерликке өз кишисин коюп алса, ошону менен ал турмуш жүзүндө бийлигин сактап кала алат. Ошентип Кыргызстанда династиялык бийлик орнотууга багытталган иштер жүрүп жатат.
