Страсбургда Европа Кеңеши Чеченстан боюнча тегерек үстөл өткөрүп жатат

Талкууга Чеченстандын президенти Алу Алханов баштаган москвачыл бийликтин өкүлдөрү, бейөкмөт уюмдар, Еврокеңештин мүчөлөрү жана эксперттер катышууда.
Тегерек үстөлгө эки апта мурун өлтүрүлгөн Аслан Масхадовдун тарапкерлери келген жок. Еврокеңеш муну “Россия Федерациясынын аймактык бүтүндүгүн таанууга каршы чыккандар жана өз максаттарына жетүү үчүн терроризмди курал кылып алгандар бул жолугушууга чакырылган жок”, - деп түшүндүрдү.