БИШКЕК. №55 Бакайата шайлоо округу боюнча Жогорку Кеңештин депутаты деп табылган Жусупбек Иманалиевдин тарапкерлери 5-апрелде Жогорку Соттун алдына нааразылык акциясына чыгышты. Алар соттон адилеттикти талап кылып, Иманалиевдин депутаттык мандатын колунда калтырууну сурашууда. Мурда маалымдалгандай Бакайата райондук соту 8 шайлоо участогу боюнча добуш берүүнүн жыйынтыгын жокко чыгарып, анын натыйжасында экинчи талапкер Равшан Жээнбеков жеңүүчү болуп чыккан. Соттук териштирүүлөр Токтогул шайлоо округу боюнча да жүрүүдө.
