Областтык администрациянын алдына чогулган беш миңдей адам облсоветтин төрагасы Борис Колесниковго колдоо билдиришти. Колесниковду Украинанын башкы прокуратурасы Киевге чакыртып, адамдардан кысмактап акча алган деген айып менен камап койгон эле. Донецкидеги митингдин катышуучулары болсо Колесниковду саясий репрессияга кабылды деп эсептешет, анткени ал президенттик шайлоодо утулуп калган талапкер Виктор Януковичтин тарапкери болгон.
