БИШКЕК. 10-июлда боло турган президенттик шайлоодо Европадагы коопсуздук жана кызматташтык уюмунун демократия жана адам укуктары боюнча бюросунун 300гө чукул байкоочусу көз салат. Мындай маалымат 5-майда ЕККУнун Бишкектеги борборунун коомчулук менен байланыш кызматкери Марина Дмитриевадан алынды. Анын айтымында, бюронун узак мөөнөттүү негизги миссиясы 12-14 адамдан туруп, адегенде президенттик шайлоого даярдыктардын жүрүшү жана добуш берүү маалында мыйзамдуулуктун сакталышына көз салышат. Андан тышкары ЕККУга мүчө мамлекеттерден келүүчү өкүлдөр добуш берүү маалында жер-жерлерде байкоо жүргүзүшөт.
