БИШКЕК. Жогорку Кеңештин маалымат жыйынынын кабарлоосуна караганда, бул күнү депутаттар Жогорку соттун төрагасы Курманбек Осмоновдун кызматтан кетүү боюнча арызын карашат. Мындан бир нече күн илгери парламенттик шайлоо жыйынтыгына нааразы болгон №59-Чүй, №21-Токтогул жана №6-Асанбай шайлоо чөлкөмдөрүнүн шайлоочулары Жогорку сот имаратын басып алышкан. Адан көп өтпөй Курманбек Осмонов кызматтан кетүү боюнча арыз берген. Осмоновдун арызын кароону Жогорку Кеңеш 12-майга жылдырган. Ал эми Жогорку соттун имаратын басып алышкан атуулдар 9-май күнү да нааразылык иш чарасын улантышты. Алар 12-майда Жогорку Кеңеш имаратынын алдына барышаарын маалымдашты.
