БИШКЕК. Кыргызстандын президенттигине талапкерлердин улуттук клубу түзүлдү. Аны түзүү жөнүндөгү документке 10-майда «Кабар» агенттигинде кол коюлду. Клубду түзүүчүлөрдүн бири, Демократиялык коопсуздук боюнча коомдук кеңештин төрагасы Мирсаид Миррахимов клуб президенттик шайлоо жалпы элдин ынтымагын бекемдөө кызыкчылыгы менен коштолсун деген максат менен түзүлгөндүгүн билдирди. Клубдун мүчөлөрүнүн айтымында, президенттикке талапкерлер клубда даярдалган «Абийир кодекси» менен таанышып, ага кол коюусу абзел.
