БИШКЕК. 1-июнда “Интерньюс-Кыргызстан” массалык маалымат каражаттарында 24-марттагы ыңкылапты так, акыйкат чагылдыргандыгы үчүн атайын сыйлыктар менен “Мезон-ТВ”, “Азаттык” үналгысы жана “АКИпресс” маалымат агенттигин сыйлады. Internewsтун аткаруучу директору Эльвира Сариеванын айтымында, сыйлык буга чейин да эларалык журналистиканын калыстык, бейтараптуулук, оперативдүүлүк сыяктуу талаптарын аткаруу менен өз милдетин так аткарып келген массалык маалымат каражаттарына берилип келген. Интерньюс-Кыргызстан 1995-жылдан бери көз карандысыз массалык маалымат каражаттарына жардам көрсөтүп, ар кандай семинар-окууларды өткөрүп келет.
