Айга адам баласынан биринчи болуп конгон Армстроңдун чач тарачы анын чачын коллекционерге 3 миң долларга сатып жиберген экен. Көрсө астронавт АКШнын Огая штатында Маркс Сиземор деген чач тарачка барчу экен. Сиземор анын кыркылган чачын чогултуп, былтыр май айында соодалап жиберет. Армстроң Сиземордон чачымды кайтарып бер деп сураптыр, бирок алган киши буга макул болбой жаткан экен. Армстроңдун адвокаты Сиземор астронавттын чачын кайтарып берип, же тапкан пайдасын соопчулук максатына сарптабаса, аны сотко берээрин эскертти.
