БИШКЕК. Өткөн беш айдын ичинде киши өлтүрүүлөрдүн саны 60 пайызга өстү. Жалпы кылмыштуулук, өткөн жылга салыштырмалуу 3,5 пайызга азайган. Ал эми пара алуу боюнча төрт ай ичинде 63 факт катталган. Мындай маалыматтар 30-июнда өткөн ички иштер министрлигинин кезектеги коллегиясында айтылды. Коллегияда өткөн беш ай ичинде коопсуздукту жана тартипти камсыздоо боюнча ички иштер кызматтарынын аткарган иштери, ошондой эле президенттик шайлоо убагында коопсуздуктукту жана тартипти сактоо багытындагы милдеттери талкууланды. Мындай кабарды ушул эле күнү министрликтин маалымат кызматы таратты.
