БИШКЕК. Биринчи вице-премьер-министр Феликс Кулов 4-августта Ош-Бишкек багыттында жүргүнчүлөрдү ташуу боюнча автобус каттамын ачуу боюча токтомго кол койду. Ага ылайык жаз, жай айлары тагыраак айтканда, 1-майдан 15-октябрга чейин Ош-Бишкек каттамында он алты орундуу чакан автобустар каттайт. Өкмөттүн маалымат кызматынын кабарлоосуна караганда, кыргыз бийлиги мындай кадамга жергиликтүү тургундардын жана депутаттардын көптөгөн өтүнүчтөрүнөн улам барды.