БИШКЕК. 8-сентябрда Октябрь райондук соту италиялык ишкер Жоржио Фиакконинин баш коргоо чарасын өзгөртүү боюнча арызын карап, аны канааттандырды. Бул тууралуу арызды караган судья Айдарбек Осмонов «Азаттыкка» билдирди. Анын айтымында, ал мындай чечимди Фиакконинин ден соолугуна байланыштуу кабыл алды. Эми ал чечимге ылайык, Жоржио Фиаккони убактылуу кармоо жайынан бошотулуш керек. Белгилүү ишкер Фиаккони салык төлөөдөн качкан деп айыпталып, 6-сентябрда кармалган.
