БИШКЕК. 2-октябрда Бишкетеги №1-Университет шайлоо округу боюнча Жогорку Кенештин депутатын шайлоонун экинчи айлампасы өткөрүлөт.18-сентябрда өткөн бул шайлоонун биринчи айлампасында депутаттык учун ат салышкан алты талапкердин ичинен журналист Болотбек Марипов шайлоочулардын 41 пайыздан ашык, ал эми Жогорку Кенештин мурдагы депутаты Эркин Бөлөкбаев 32, 6 пайыз добуш менен алдыга чыгышкан. Аталган аймакта кайра шайлоо өткөрүүгө ушул жылдын февраль-март айларында өткөн шайлоонун жыйынтыктары жараксыз деп табылышы себеп болгон. Университет шайлоо округунан мурда шайланган депутат Бермет Акаеваны Борбордук шайлоо комиссиясы үгүт маалында мыйзам бузду деген негиздеме менен мандатынан ажыраткан.
