БИШКЕК. Абакка кирээрде Тынычбек Акматбаевде жана анын жан сакчыларында эч кандай курал болгон эмес. Депутат Акматбаевдин өлүмүн абакта атайын уюштурушкан, деп билдирди Акматбаевдин жан сакчысы, ошол күнү абакта жаракат алган Руслан Камиев. Анын айтымында, депутат абактагылардын ал-абалын сурап, дары-дармек жана тамак-аш маселесин чечүүнү өкмөт алдына коёрун айтып, сүйлөшүү жүргүзүп жаткан учурда ок атуу болуп, биринчи ок Тынычбек Акматбаевге жаңылган. Жума күнү парламентте сөз сүйлөгөн өкмөт башчы Феликс Кулов депутат Акматбаев жана анын жан сакчылары мыйзам бузуу менен абакка курал менен киришкен деп билдирген эле.
