Шаршембиде Орусиядагы Дагестан республикасынын Шамкал деген кыштагынан “куш тумоосу” табылганы тастыкталды. Маалымат агенттиктеринин айтымында, соңку 24 сааттын ичинде эле ал жерде 3 миңдин тегерегинде тоок-өрдөктөр өлгөн. Ал эми акыркы бир аптанын ичинде 56 миңден ашуун канаттуунун өлүгү табылды. Жергиликтүү бийликтердин айтымында, Дагестандагы канаттуулар Азербайжан тараптан келген куштардан вирусту жуктуруп алган болушу мүмкүн. Анткени өткөн айда Азербайжанда “куш тумоосу” табылганы тастыкталган эле.
