Ирандын өзөктүк маселесин чечүү боюнча Европа Биримдигинин сунуштары АКШ, Россия жана Кытай тарабынан жума күнү Лондондо каралат. Биримдиктин дипломаттарынын маалыматтары боюнча Иранга жеңил сууда атомдук реакторду иштетүүгө мүмкүнчүлүк берилиши ыктымал. Сунуштардын ичинде Тегеранга уранды байытууну токтотуунун ордуна экономикалык, тынчтык максатта өзөктүк кубатты өнүктүрүүгө кепилдиктер, ошондой эле коопсуздук кепилдиктер да каралган.
Ирандын өзөктүк маселесин чечүү боюнча Европа Биримдигинин сунуштары Лондондо талкууланат
