БИШКЕК. Шанхай кызматташтык уюмунун мааракелик жыйынына катышуу үчүн Шанхайга барган кыргыз делегациясынын курамында биринчи вице-премьер-министрдин милдетин аткаруучу Данияр Үсөнов, улуттук коопсуздук кызматынын башчысы Бусурманкул Таабалдиев, тышкы иштер министри Аликбек Жекшенкулов жана башка адамдар бар. Бул топтун курамындагы «Азаттыктын» кабарчысы Кубат Оторбаев уюмга мүчө өлкөлөрдүн башчыларын жана башка конокторду Кытайдын жетекчиси Ху Цзиньтао тосуп алганын, негизги расмий иш-чаралар эртең болоорун кабарлады.
