Бишкек. 4-августта Бишкекте соода-экономикалык кызматташтык боюнча кыргыз-түрк комиссиясынын кезектеги жыйыны өтөт. Анда эки өлкөнүн ортосундагы соода, туризм, транспорт жана инвестиция тармактарындагы кызматташуу маселелери каралат. Түрк ишкерлери үчүн визалык режимди, бажы жана салык төлөмдөрүн жеңилдетүү маселелери да жыйындын күн тартибине киргизилген. Бул тууралуу Түркиянын Кыргызстандагы элчиси Серпил Алпман билдирди. Жыйында ошондой эле өткөн жылдын 24-мартында Бишкектеги талап-тоноочулуктан жабыр тарткан түркиялык ишкерлердин чыгымдарын компенсациялоо жана “Аккеме”- “Пинара” мейманканасынын тегерегиндеги маселелер да каралат.
