Музейдеги бурч Төлөмүш Жакыповдун 80-жылдыгына карата ачылды. Аны ачуу иш чарасына облус, шаар жетекчилери, коомдук уюмдар, саясий партиялардын өкүлдөрү, туугандары, журналисттер болуп кырктан ашык адам катышты. Бишкектен келген “Азаттык медиа” институтунун директору Кубат Оторбаев сөз сүйлөп, Төлөмүш Жакыповдун өмүр баяны, “Азаттыктагы” ордуна токтолуп, жеке музей бурчу дагы кеңейтилерин айтып өттү. Жергиликтүү бийлик өкүлдөрү ал кишинин атын түбөлүккө калтыруу үчүн мектепке, көчөгө ысмын берүү керектигин баса белгилешти.(JI)
