«Кумтөр» алтын ишканасынын Бишкек кеңсесинин жанында уюштурулган пикетке Барскоон кырсыгында жабыр тарткан беш айылдан 50дөн ашык өкүл келишти. Алар ишкана жетекчилигинен убада кылган компенсацияны толук төлөп берүүнү талап кылышууда. Пикетчилер ушул эле талап менен Барскоонго жанаша жайгашкан Тосор айылынын тушунда жол тосулуп жатканын да кабарлашууда. Былтыр массалык нааразылык акцияларынан кийин тараптар мунасага келишип, «Кумтөри» ишканасы 4 миллион доллар төлөп берүүнү убада кылган. Пикетчилердин айтымында, алардын жарымын төлөөнү ишкана ар кандай шылтоолор менен создуктуруп жатат.
