«Манас» аба майданынын аренда акысына АКШ төлөп жаткан каражаттын канча экени жана каяка жумшалып жаткандыгы ачык-айкын айтылбай жаткандыгын вице-спикер Эркинбек Алымбеков көтөрдү. Быйыл, Манас» аскер базасынын аренда акысы жөнүндө кыргыз-америкалык сүйлөшүүлөр болуп, натыйжада АКШ тарап Кыргызстанга 150 миллион АКШ долларын төлөй турганы жарыяланган. Бирок, бул каражаттар мамлекеттик казынага түшүп жатабы, түшсө каяка жумшалып жатат, бул жөнүндө өкмөт ооз ача элек.
