Вашингтондун маалымдашынча Ирактагы кырдаалды калыбына келтирүү күн өткөн сайын кыйындоодо, өлкөдө коррупция жана жумушсуздук күч алып, он миллиондой доллардын дайыны табылбай калды. Коопсуздуктун начарлашы өлкөнү калыбына келтирүү аракеттерин жокко чыгарууда деп айтылат кабарларда. АКШ күчтөрүнүн Жакынкы Чыгыштагы командачылыгына көрсөтүлгөн адмирал Уильям Фоллон “Ирактагы кырдаалды өзгөртүүгө шашылуу керек, кырдаал колдон чыгууда” деп билдирди.
