Линктер

ЧУКУЛ КАБАР!
3-Март, 2021 шаршемби, Бишкек убактысы 21:13

ӨКМӨТ СТРУКТУРАСЫ БОЮНЧА ТАЛАШ-ТАРТЫШ КЫЗЫДЫ


Бүгүн Жогорку Кеңеште өкмөт структурасы боюнча талаш-тартыш толкуну кайрадан көтөрүлдү. Премьер-министр Азим Исабеков депутаттарга кайрылып, өкмөттүн структурасын алымча-кошумчалар менен колдоп берүүгө чакырды. Ал өкмөттүн структурасы боюнча өзүнүн жүйөөлөрүн келтирди. Депутаттардын ой-пикирлери ар түрдүү чыгып, талаш-тартыш кызып баратат.

Азим Исабеков өкмөттүн структурасына депутаттар берген сунуштар боюнча алымча-кошумчалар киргизилгенин билдирди. Анын айтымында, депутаттардын сунушу эске алынган акыркы долбоор боюнча Экономика жана соода министрлигин өзүнчө министр башкармай болду, үчүнчү вице-премьердин кызматы алынып салынды, өкмөт президиуму болбойт. Ошондой эле Коопсуздук кызматы комитет болуп түзүлөт. Бажы жана салык тармагын бириктирип комитет кылуу жөнүндө сунуштар болгон, бирок көпчүлүк депутаттар экөөнү кошууга каршы болуп жатышат.

Өткөн жумада өкмөт структурасы боюнча президент К. Бакиев сунуш кылган долбоор депутаттардын көптөгөн сын-дооматтарына кабылган. Депутаттар өкмөт структурасында министрликтердин, комитет менен агенттиктердин саны көбөйүп кеткенин белгилешип, атка минерлердин санын кыскартууну, чакан, натыйжалуу иштей турган структура түзүүнү талап кылышкан. Толгон-токой сунуш түшүп, талаш-тартыш кызыган. (KCh)

XS
SM
MD
LG