Жыл сайын өтүүчү бул жыйын сегизинчи майда башталат. Иш чарада мыйзамсыз баңги зат сатуу жана аны айлантуу менен күрөшүү, баңги заттар менен соода кылган кылмыштуу топторду таап, жок кылуу жолдору талкууланат. Ага Кыргызстандан Баңги заттарды көзөмөлдөө агенттигинин директору Алимбай Султанов да барат. Конференцияга жетимиштен ашуун мамлекеттердин өкүлдөрү катышат. Бул тууралуу “Азаттыкка” аталган агенттиктин маалымат кызматынан билдиришти. (AiJu)
