Улуу жеңиштин 62 жылдыгына арналган салтанат бүгүн эртең менен Бишкектеги «Жеңиш» аянтында митинг-реквием менен башталмакчы. Ага президент Курманбек Бакиев баштаган бийлик өкүлдөрү катышып, согуштун жана ооруктун ардагерлерин жеңиш майрамы менен куттукташмакчы. Ошондой эле талаа ашканасы уюштурулуп, ардагерлерге аскердик сый тамак берилет. Улуу Ата Мекендик согушка Кыргызстандан 363144 жоокер аттанып, алардын 130 миңден ашыгы кайтпай калган. Согуштан аман кайтып келген 200 миңден ашуун катышуучунун учурда 7 миңге жакыны гана арабызда.(SM)
