Бул тууралуу Барскоон айылынан «Карек» өкмөттук эмес уюмунун жетекчиси Эркингүл Имангожоева бүгүн кабарлады. Анын айтымында, 11-майда Ысыккөл облусунун губернатору, Жетиөгүз район акими жана укук коргоочу Турсунбек Акун жол тоскондор менен жолугушту. Анда жолду тоскон жергиликтүү калк бир жумалык мөөнөт менен жолду ачышты. Бул аралыкта Камеко 1 миллион 400 миң доллар төлөмдөрдү жергиликтүү калкка берүүгө тийиш. Андан сырткары башкы келишимди кайра караштыруу боюнча сүйлөшүүлөргө элдин өкүлдөрү катыштыруу милдети бийликке жүктөлдү. Кумтөр кенине баруучу жол 4-майдан бери жабылып турган. (AiT)
