Отузадыр шайлоо округу боюнча добуш берүүнүн экинчи айлампасына чыгышкан талапкерлер Осмонаалы Аттокуровдун жана Раушан Сабировдун жактоочулары алгач Новаи, Гагарин шайлоо участокторунда эки жаат болуп чогулушуп, тирешүүгө чейин барышты. Жергиликтүү көз каранды эмес талдоочу Карабай Келсинбеков чырдашуунун негизин атайын уюштурулган чагымчылардын иш аракети түзгөндүгүн белгиледи:
- Эртең менен саат тогуздан онго чейин жергиликтүү аялдар эки тарап болуп чууну көтөруп жиберишти. Бардык нерсени уютурган алар болду. Эртең менен тынч эле болуп, шайлоо жакшы жүрүп жаткан. Аялдар чууну көтөрүп жиберишти, - дейт талдоочу Карабай Келсинбеков.
Эки тараптуу тирешүү курчуп бара жаткан учурда милиция кызматкерлери келишип, кырдаалды жөнгө салууга үлгүрүп калышты. Болуп өткөн окуяга Ош облустук ички иштер башкармалыгынын башчысынын орун басары Урайым Ташиев мындайча баа берди:
- Жактоочулардын арасында анча-мынча тирешүү, бири-бирине сөз айтуу болот экен. Биз эми анча кийлигише албайбыз. Бирок, биз коомдук тартипти бузууга жол бербейбиз. Бизде күч жетишерлик. Менин оюмча шайлоо жакшынакай өтөт деп эсептейм, - дейт Ош облустук ички иштер башкармалыгынын башчысынын орун басары Урайым Ташиев.
Анткен менен жергиликтүү байкоочулар добуш берүүнүн жыйынтыктарын чыгаруу жакындаган сайын эки тараптын жактоочуларынын ортосундагы тирешүү курчуп кетүүсү мүмкүн экендигин эскертишүүдө.
- Эртең менен саат тогуздан онго чейин жергиликтүү аялдар эки тарап болуп чууну көтөруп жиберишти. Бардык нерсени уютурган алар болду. Эртең менен тынч эле болуп, шайлоо жакшы жүрүп жаткан. Аялдар чууну көтөрүп жиберишти, - дейт талдоочу Карабай Келсинбеков.
Эки тараптуу тирешүү курчуп бара жаткан учурда милиция кызматкерлери келишип, кырдаалды жөнгө салууга үлгүрүп калышты. Болуп өткөн окуяга Ош облустук ички иштер башкармалыгынын башчысынын орун басары Урайым Ташиев мындайча баа берди:
- Жактоочулардын арасында анча-мынча тирешүү, бири-бирине сөз айтуу болот экен. Биз эми анча кийлигише албайбыз. Бирок, биз коомдук тартипти бузууга жол бербейбиз. Бизде күч жетишерлик. Менин оюмча шайлоо жакшынакай өтөт деп эсептейм, - дейт Ош облустук ички иштер башкармалыгынын башчысынын орун басары Урайым Ташиев.
Анткен менен жергиликтүү байкоочулар добуш берүүнүн жыйынтыктарын чыгаруу жакындаган сайын эки тараптын жактоочуларынын ортосундагы тирешүү курчуп кетүүсү мүмкүн экендигин эскертишүүдө.
