Дүйнө калкынын жарымынан көбү айылдарда эмес, шаарларда жашаган кырдаал биринчи ирээт түзүлүүдө. Мындай маалымат Улуттар уюмунун Калк фондунун жаңы жарыяланган докладында айтылат. Отчетто белгиленгендей шаар калкынын саны айылдыкынан көбөйүүсү бир катар тобокелчил жагдайлар менен коштолот. Андыктан дүйнө өлкөлөрүнөн лидерлери менен шаар пландоочулар саясий баш-алмандыктар менен куралдуу жаңжаалдарга жол бербеш үчүн шаарларда калк санынын өсүүсүн кылдаттык менен башкарышы керек.
