Пакистандын борбору Исламабадда 850 исламчыл радикалдар “Кызыл мечиттен” чыкпай отурушат. Алардын он төртү куралчан. Бул тууралуу кечээ кармалган мечит башчысы Абдул Азиз билдирди. Ошондой эле сыналгы аркылуу чыгып сүйлөп, мечиттегилерди багынууга чакырды. Шаршембиде мечитте бекинип отурган 2000ге жакын радикал студенттерин дээрлик жарымы бийликке багынып берген. 3-июлдагы кагылышууларда кеминде16 киши өмүрү менен кош айтышып, 150 киши жарадар болгон. Фундаменталистердин максаты өлкөдө шариаттын мыйзамдарын орнотуу.
