Махмуд Ахамдинежаддын Азербайжанга иш сапары эки күнгө созулат. Азербайжандын Ирандагы элчиси Насир Гамид Заре президент Илхам Алиев менен сүйлөшүүдө Габала радар станциясынын тегерегинде сөз болоорун Азаттыка билдирди. Ошондой эле соода, энергетика боюнча эки тараптуу алакалар менен Иран, Азербайжан жана Орусияны байланыштырган Казвин-Решт-Астара темир жолун куруу маселеси талкууланаары күтүлүүдө.
