Бул иш-чара ШКУга мүчө өлкөлөрдүн Биринчи Ысыккөл кинофестивалынын алкагында өткөрүлмөкчү. Он күндүн аралыгында өлкөнүн бардык аймагынын тургундарына фестивалга катыша турган чет элдик, кыргыз режиссерлору тарабынан тартылган эски жана жаңы тасмалар көрсөтүлөт. 3-сентябрда баштала турган Биринчи Ысыккөл фестивалына Орусия, Кытай, Тажикстан, Өзбекстан, Иран, Армения, Азербайжан жана Украинанын режиссерлору тарткан тасмалар катышат. Жалпысынан фестивалда 45 тасма көрсөтүлөт. (ZMa)