Эгемендик күнү аскердик парад уюштурулуп, өлкөнүн байыртадан келаткан саясий-социалдык-экономикалык турмушун чагылдырган театрлаштырылган оюн-зоок көрсөтүлмөкчү. Анда мамлекеттин көз каранды эместигине бөтөнчө эмгек сиңирген тарыхый адамдардын ролдорун Барпы татрынын артисттери аткарышып, массалык оюндарга 600 адам тартылат. Облустагы улуттук азчылыктардын өкүлдөрү да өз өнөрлөрүн көрсөтүшөт. Мындай маалымат 28-августта губернатордун орунбасары Камила Талиевадан алынды. Анын айтымында майрамдык салтанаттарга облус казынасынан 50 миң сом каражат бөлүндү.(YA)
