Дүйшөмбү күнү Абдылас Малдыбаев атындагы Улуттук Опера жана балет театрында улуттук илимдер академиясынын мүчөсү, Казакстандын академиги, белгилүү хирург Мамбет Мамакеевдин өмүр жолун камтыган театрлаштырылган оюн-зоок көрсөтүлүп, кесиптештеринин, мамлекеттик бийликтин куттуктоолору болот. Мамакеев 1927-жылы Ысыккөл облусунун Аксуу районундагы Керегеташ айылында жарык дүйнөгө келген. Ал 1952-жылы Кыргызстан мамлекеттик медициналык институтту бүтүрүп, медицина тармагындагы эмгек жолунда 200 ашуун илимий иштерди, 8 монография жазган. (AJ)