Чехиянын борбору Прагада Кыргызстандын Ардактуу консулдугу ачылды. Ырасмий салтанатка Кыргыз Республикасынын тышкы иштер министринин орун басары Эрмек Ибраимов, элчи Рина Приживойт, дипломаттар, Чехиянын тышкы иштер министрлигинин өкүлдөрү, кыргызстандык студенттер менен эмгек мигранттары жана Чех коомчулугунун өкүлдөрү катышты. Кечеге “Жагалмай” тобу аткарган кыргыздын ыр-күүлөрү шаң берип турду.
