Бул тууралуу “Ак жол” партиясынын мүчөсү Автандил Арабаев “Азаттыкка” маалымдады. Бирок Жогорку соттун өкүлү “Ак жолдун” арызы качан каралаары тууралуу азырынча так маалымат жок экендигин билдирди. Белгилүү болгондой, “Ак жол” партиясы Шайлоо кодексте көрсөтүлгөн жарым пайыздык чек боюнча норманы кайра карап чыгуу арызы менен Жогорку сотко кайрылган. Буга чейин партия доо арыз менен район аралык сотко, андан кийин Бишкек шаардык сотуна кайрылган болчу. Бирок эки сот тең партиянын арызын канааттандырган эмес.(MSu)
