1 миң гривна же 200 доллар алганы келгендер таң азандан банктардын эшигин сагаалап турушкан, банктар ачылгандан кийин кызматкерлер менен уруш-талаштар болду. Украин өкмөт башчысы Юлия Тимошенко Советтер Союзунун акыркы айларында тоңдурулган банк эсептеринде калган акчаларды төлөп берүүгө убада кылган. Адистер бул демилге өлкөдөгү инфляциянын өсүшүнө алып келээрин эскертишүүдө. Украинада инфляция былтыр 2001-жылдан берки эң жогорку чекке, дээрлик 17 пайызга жеткен.
Украинадер советтик доордон калган аманат акчаларын алыш үчүн банктарда узун кезекке турушууда
