Өзгөндө “өтө коркунучтуу кылмышкер” кармалды, деп кабарлады Ички иштер министрлигинин маалымат кызматы. Кабарда айтылгандай, 30-январда Ош жана Баткен облусттук ички иштер башкармалыктарынын биргелешкен операциясынын натыйжасында издөөдө жүргөн Абдулхай Юлдашев кармалган. “Артык” деп атыккан Юлдашев 1964-жылы төрөлгөн. 2006-жылдын июлунда ага каршы “терроризм, улуттук араздашууну козгогон, тартип коргоо органдарынын кызматкерин өлтүргөн” деген, жана башка бир топ айыптар боюнча кылмыш иши козголгон. (TD)