Бүгүндөн тарта 7-апрелге чейин Бишкекте Эл аралык саламаттык күнү белгиленет. Бишкек мэриясы уюштуруп жаткан бул иш-чара “Саламаттыгыбызды климаттын өзгөрүшүнөн сактайлы” деген ураан алдында өтүүдө. Аталган иш-чаранын алкагында шаардын ири соода борборлорунда каалоочулар кан басымын акысыз текшертүү мүмкүнчүлүгүн алышат. 7-апрелде Бишкек шаар мектептеринин окуучулары арасында сүрөт сынагы уюштурулат. Эл аралык саламаттык күнү 60 жылдан бери 7-апрелде белгиленип келет. (ZMa)
