Франция Грузиянын мурдагы коргоо министри Ираклий Окруашвилиге саясий баш паанек ыйгарды

Бул тууралуу анын адвокаты билдирди. Окурашвилиге өткөн айда мекенинде опузалоо, коркутуп-үркүтүү аркылуу акча өндүрүү деген айып тагылган. Анын колдоочулары айыпты саясий куугунтук деп баалашат.
Грузин президентин адам өлтүрүү кутумуна тиешеси бар деп күнөөлөгөн Окурашвили былтыр декабрда Германияда камакка алынган. Күрөөгө кое берилген министр кийин Францияга учуп кеткен.