Бул тууралуу "ал-Каиданыкы" делген билдирүүдө айтылат. Уюмдун Ооганстандагы бөлүмүнүн лидери Мустафа Абу аль-Язиддин кол койгон билдирүү исламчыл согушкерлер колдонуп жүргөн интернет сайттардын биринде жарыяланды. Билдирүүдө белгиленгендей, Даниянын Исламабаддагы элчилигин алдындагы жардыруу Мухаммед пайгамбардын карикатураларынын даниялык гезиттерде жарыяланышы үчүн өч алуу ирээтинде жасалган, карикатуралар үчүн Дания кечирим сураган эмес. Ушул дүйшөмбү күнү болгон жардыруудан кеминде алты адам каза тапкан.
