Ош шаарынын башкы санитардык дарыгеринин орун басары Уулкан Каратаеванын айтымында, калаага караштуу Орке айылынын 4 тургуну күйдүргү илдетине шектелип ооруканага жеткирилген. Учурда алардын бирөөсү аталган дартка кабылгандыгы толук аныкталды. Ушул эле күнү Ош шаардык ветеринария башкармалыгы чочкосун текшерттирбей союп, этин элге таратып жиберген Тайгозу Маматалиевге карата чара көрүүнү өтүнүп прокуратурага даттангандыгы маалым болду. (ATo)
