БШКнын өлкөдөн чыгып кеткен төрайымы Клара Кабилованын ордуна анын милдетин аткарып жаткан Дамир Лисовскийдин талапкерлиги сунушталып, парламент аны шайлоо боюнча комиссия түздү. Депутаттар азыр Лисовскийге жергиликтүү кеңештерге шайлоого даярдык боюнча суроолорду берип, ал жооп берип жатат. Маселен, Социал-демократтар фракциясынан Иса Өмүркулов Бишкек шаар кеңеш депутаттыгына өтүүчү төрт талапкердин аты белгилүүбү деген маалыматын четке какты. Ал эми Коммунисттер фракциясынын башчысы Исхак Масалиев Талас облусу боюнча бир да талапкердин жеке шайлоо фондусун ача албагандыгы мыйзам бузуубу деген суроосуна Лисовский Шайлоо кодексине карама-каршы келбейт деп жооп берди.(BD)
