Балыкчы шаардык кеңешине шайланган 21 депутаттын он үчү Алмаз Жаликовду төрагалыкка көрсөтүп, бир добуштан бекитти. Депутат Мырзабек Исаковдун “Азаттыкка” маалымдашынча, төрагалык орунда буга чейин иштеп келген Зарылбек Сариповду бекитүү үчүн административдик ресурс катуу иштеген. Бирок депутаттык корпустун дээрлиги өкмөттүк эмес уюмдардын өкүлдөрү болгондуктан бийликтин мындай көрсөтмөсү четке кагылды. Балыкчы шаардык кеңешинин төрагасын шайлоого өзүн-өзү башкаруу боюнча улуттук агенттиктин өкүлдөрү, облустун губернатору жана шайлоо комиссиясынын төрагасы катышты. (RB)
