Бул тууралуу Коррупцияга каршы күрөшүү элдик кыймылынын лидери Намазбек Нышанов “Азаттыкка” билдирди. Анын айтымында, мурда мамлекеттик кызматтарда иштебеген, коррупцияга аралашпаган өлкөнүн чыныгы патриоттору, коомдук уюмдун мүчөлөрү 10-ноябрда жыйын өткөрүп, президент Курманбек Бакиевди мөөнөтүнөн мурда кызматтан кетирүү талабын коюшат. Ал ошондой эле Коррупцияга каршы күрөшүү элдик кыймылынын демилгеси менен уюштурулуп жаткан Бакиевди кызматтан кетирүү боюнча кол чогултуу баракчасына өлкө аймагынан 70 миңге чукул адам кол койгонун кошумчалады. (AJ)
